Xudat-Nabran yolunda maşın aşıb: Xəsarət alanlar var

Bu gün Xudat şəhəri ərazisində yol nəqliyyat hadisəsi baş verib.

Telexeber.az-ın məlumatına görə, hadisə Xudat- Nabran yolunda qeydə alınıb. VAZ-2106 markalı maşın yoldan çıxaraq aşıb.

Qəza nəticəsində Bəhruz İskəndərov və Natalya Suxominova müxtəlif dərəcəli bədən xəsarətləri ilə Xaçmaz Rayon Mərkəzi Xəstəxanasına yerləşdirilib.

Faktla bağlı araşdırmalar davam etdirilir.