HƏMAS Sinvarın öldüyünü açıqladı

HƏMAS hərəkatın Siyasi Bürosunun rəhbəri Yəhya Sinvarın ölümü barədə açıqlama verib.

Telexeber.az xəbər verir ki, HƏMAS-ın yüksək vəzifəli rəsmisi Basem Naim Yəhya Sinvarın öldüyünü açıqlayıb. O bildirib ki, hərəkatın liderlərini öldürərək, HƏMAS-ı məhv etmək olmaz. Onun sözlərinə görə, HƏMAS, azadlıq və ləyaqət axtaran insanların rəhbərlik etdiyi azadlıq hərəkatıdır və bunu aradan qaldırmaq mümkün deyil. Naim deyib: "Görünür, İsrail liderlərimizin öldürülməsinin bizim hərəkatımızın və Fələstin xalqının mübarizəsinin sonu demək olduğuna inanır. HƏMAS hər dəfə daha da güclənib və bu liderlər gələcək nəsillərin azad bir dövlətin qurulması üçün hərəkatını davam etdirmələri üçün simvola çevriliblər. Sevilən insanları xüsusilə də fövqəladə liderləri itirmək ağrılı və kədərlidir, amma biz əminik ki, biz sonunda qalib gələcəyik”.