Xeyriyyəçi kimi tanınan Xəqani Hüseynov bu səbəbdən həbs edilib - FOTO

Xəbər verdiyimiz kimi, "TikTok" sosial şəbəkəsində özünü xeyriyyəçi kimi tanıdan Hüseynov Xəqani (Xaqocan) həbs edilib.

DİN-in Mətbuat Xidmətinin əməkdaşı Nurlan Əliyev Telexeber.az-ın sorğusuna cavab olaraq bildirib ki, "Xaqocan" 10 sutka müddətində həbs edilib.

"Xəqani Hüseynov sosial şəbəkə istifadəçisi Azər Əmirovun müraciəti əsasında Nərimanov rayon polis əməkdaşları tərəfindən saxlanılıb. Barəsində İnzibati Xətalar Məcəlləsinin 510-cu maddəsinə (Xırda xuliqanlıq) əsasən inzibati tənbeh tədbiri tətbiq olunub. Məhkəməyə verilib və Nərimanov Rayon Məhkəməsinin qərarı ilə 10 sutka həbs edilib".