Nazim Süleymanov U-19 komandasına məşqçi təyin edildi

Azərbaycanlı məşqçi Nazim Süleymanov Rusiya klubu “Ximki”də iş yerini dəyişib.

Telexeber.az-ın klubun rəsmi saytına istinadən məlumatına görə, 58 yaşlı mütəxəssis yenidən U-19 komandasının sükanı arxasına keçib.

Əvvəllər bu komandaya rəhbərlik edən Süleymanov 2022-ci ilin sentyabrından əvəzedicilərdə çalışıb. Klub rəhbərliyi onu yenidən U-19-a qaytarmaq qərarına gəlib.

Əvəzedici komandaya isə Rinat Bilyaletdinov baş məşqçi təyin olunub.