Qusar rayonunun idman ictimaiyyəti üçün mühüm əhəmiyyət daşıyan Qusar Olimpiya İdman Kompleksi yeni inkişaf mərhələsinə qədəm qoyur. Kompleksin rəhbərliyinə Ramil Koroğluyevin təyin olunması idmansevərlər, məşqçilər və gənclər tərəfindən böyük maraq və ümidlə qarşılanır.
Telexeber.az kollektivi Ramil Koroğluyevi yeni vəzifəyə təyin olunması münasibətilə səmimi qəlbdən təbrik edir, ona gələcək fəaliyyətində uğurlar arzulayır.
Qusar Olimpiya İdman Kompleksi uzun illərdir ki, bölgədə idmanın inkişafına xidmət edən, yüzlərlə gəncin sağlam həyat tərzinə yiyələnməsində mühüm rol oynayan idman ocaqlarından biridir. Kompleksdə müxtəlif idman növləri üzrə yaradılmış müasir şərait, idman zalları və infrastruktur regionun idman potensialının formalaşmasına ciddi töhfə verir.
İnanırıq ki, Ramil Koroğluyevin rəhbərliyi altında kompleksin fəaliyyəti daha da canlanacaq, yeni layihələr həyata keçiriləcək, gənclərin idmana marağının artırılması istiqamətində mühüm addımlar atılacaq. İdarəçilikdə yeni yanaşmaların tətbiqi, idmançıların və məşqçilərin fəaliyyətinə göstərilən diqqət Qusarın idman uğurlarının daha da artmasına səbəb olacaq.
Bu təyinat həm də bölgə idmanının gələcəyinə verilən önəmin göstəricisi kimi qiymətləndirilir. Yeni rəhbərliyin fəaliyyəti nəticəsində Qusar Olimpiya İdman Kompleksinin ölkənin ən nümunəvi idman mərkəzlərindən birinə çevriləcəyinə inam böyükdür.
Telexeber.az olaraq Ramil Koroğluyevə möhkəm cansağlığı, məsuliyyətli fəaliyyətində uğurlar, Qusar idmanına isə yeni nailiyyətlər arzulayırıq. Yeni rəhbərlik, yeni nəfəs və yeni uğurların başlanğıcı mübarək olsun!
